வருமான வரியை கணக்கிட

வருமான வரியை கணக்கிடும் வசதி கொண்ட www.taxreach.net என்ற புதிய இணைய தளம் தொடங்கப் பட்டுள்ளது.

Taxreach.net என்ற முன்னணி வருமான வரி ஆலோசனை நிறுவனம் உருவாக்கியுள்ள இந்த புதிய இணைய தளத்தை, சென்னையில் நேற்று நடைபெற்ற விழாவில் வருமான வரித்துறை தலைமை ஆணையாளர் செல்வராஜ் தொடங்கி வைத்தார்.

இந்த இணையதளத்தின் மூலம் வருமான வரி செலுத்துவோர் தங்கள் வருமான வரியை துல்லியமாக கணக்கிட்டு வீட்டில் இருந்தவாறே வருமான வரி கணக்குகளை தாக்கல் செய்யலாம். மேலும் இதன் மூலம் கிடைக்க வேண்டிய வரி சலுகைகளை பெற முடியும். அத்துடன் வரிச்சுமையையும் குறைத்துக் கொள்ளலாம் என்று Taxreach.net நிறுவனத்தின் இயக்குனர் ராபின்மோசஸ் தெரிவித்தார்.

இது தவிர இலவச மாக வருமான வரி கணக்குகளை தாக்கல் செய்யவும், Taxreach.net வகை செய்கிறது. இதன் மூலம் வரி செலுத்துவோருக்கு வருமான வரித்துறையின் நோட்டீஸ் தவிர்க்கப்படுகிறது என்றும் அவர் கூறினார்.
இந்த இணையதளத்தில் உள்ள வரி ஆலோசனைப் பகுதியில் வருமான வரி செலுத்துவோர் தங்களது சந்தேகங்கள் குறித்து இலவச ஆலோசனை பெற முடியும் என்றும் மோசஸ் குறிப்பிட்டார்.